كلمات اغنية ضلمت كده ليهم الصبح غرقان ف مشاكل
وم البدية اليوم قافل
أستنى ف الباشا يعدى
داخلى عكس ومش سائل
قلبى ليه مش مطمن ؟؟؟
باينه يوم هندم عليه
هى ضلمت كده ليه
إللى ودانى يجيبنى
يومى راح ف الزحمة يا بيه
البلد بتعذبنى
أنا كنت ناوى أخش يمين
قالولى خش شمال أحسن
أنا قولت دول طبعا فاهمين
بصيت لقيت نفسى ف مدفن
دا إللى يسأل ف بلدنا
ربنا يعوض علييييييييييه
هى ضلمت كده ليه؟؟؟
إللى ودانى يجيبنى
يومى راح ف الزحمة يا بيه
البلد بتعذبنى
أنا قولت مرة أعمل فاهم
وخلعت من الزحمة مزقطط
ما وعيتش غير ف صلاح سالم
ف ركنت على جنب أعيط
آه يا غلبى
آه يانا ياما
مش هروح ولا إيه؟؟
هى ضلمت كده ليه
إللى ودانى يجيبنى
يومى راح ف الزحمة يا بيه
البلد بتعذبنى
ورجعت والشارع مقفول
وزحمة والبيت متحاوط
لمحت واد كده مش معدول
شايلينه قال عامل ناشط
يلا سيبك ماهى باظت
يعنى هى جت عليه
هى ضلمت كده ليه
إلللى ودانى يجيبنى
يومى راح ف الزحمة يا بيه
البلد بتعذبنى
