يا مصرى لية دنياك لخابيط والغلب محيط
والعنكبوت عشش على الحيط وسرح على الغيط
يا مصرى قوم هش الوطاويط كفياك تبليط
صعبة الحياة والحل بسيط حبة تخطيط
فتحت باب استيرادك وصرفت فوق ضعف ايرادك
حلى للخواجة استكرادك سابك بتقراء فى اورادك ودا قشطك ونزل تشفيط
يا مصرى لية دنياك لخابيط والغلب محيط
والعتكبوت عشش على الحيط وسرح على الغيط
ومهولاتى تحب تظيط ساعة الفرح زغريط تنطيط
وفى المياتم هات يا صويت فى المظاهرة تسخن تشيط
وفالانتخاب تنسى التصويت
يا مصرى لية دنياك لخابيط والغلب محيط
والعتكبوت عشش على الحيط وسرح على الغيط
ولية بترشى وتتساهل وتبيع حقوقك بالساهل
تستاهل النار تستاهل ياغويط ويحسبك الجاهل
ساهل وساهى وغبى وعبيط
يا مصرى لية دنياك لخابيط والغلب محيط
والعنكبوت عشش على الحيط وسرح على الغيط