لسة ناوي عالرحيل ...
تفتكر مالوش بديل ...
أعمل إيه في الوحدة و انت مش هنا ..
و منين أجيب صبر لسنة ..
أعمل إيه ...
من سؤال مهزوم بيترجي الجواب ..
مش بتقصد عيني يا حبيبي العتاب ..
سيبك انت من دموع العين و قوللي ..
خدت إيه شنطة سفر أو إيه فاضلي..
خدت من صبري و طريقي منتهاه ..
مش معاك نبضي اللي تاه ..
خدت صورتي ..
شوف كدة لتكون نسيت عمري و صباه ..
ولا إحساسي بكياني و بالحياة ..
أما حيرتي و العذاب ملكي أنا ..
هما أصحابي في غيابك طول سنة ..
يا حبيبي ..قد عمري قولتهالك ..
و انت جنبي ببقي لسة مشتقالك ..
ماإنت عارف إنت سامع .. أنة الليل و الشوارع ..
كل حبة رمل بتقولك حرام ..أتحرم حضن الخطاوي و فين أنام ..
و الطريق مايل بحمله من العتاب ..
و النسيم حس بفراق..سحره غاب ..
كل حاجة رافضة بعدك ..مش هتفضل هي بعدك .. صعب أصدق ..
لو ضروري تفوتني خد مني الحنين ..
و إختصر بعد السنة خليه يومين ..
لو ضروري قبل ما تسافر بعمري إسجن الشوق و المني ..
و إطلق الصبر في وريدي ..قبل ما يطول بعدنا ..
لو ضروري ..حتي لو طال بعدنا ...إنت هنا ..