رجالة و طول عمر ولادك يا بلدنا رجالة
و غلاوتك يا بلدنا و الله مش محتاجه قوالة
دا النيل الاسمراني فارد على الشط قناديله
و المصري سكته محروسة بقرآنه و إنجيله
من صوت التاريخ يا مصري تقدر تعرف ذاتك
وهبت للدنيا دنيا جديدة من نبض حياتك
وقت ما كان لسه العالم بيعيش تايه في الغابة
مصر كانت دولة و ليها راية فوق أعلى سحابة
رجالة و طول عمر ولادك يا بلدنا رجالة
و غلاوتك يا بلدنا و الله مش محتاجه قوالة
دا النيل الاسمراني فارد على الشط قناديله
و المصري سكته محروسة بقرآنه و إنجيله
سحابة و ندهت للشمس قومي طلي عالوادي
شوفي مصر الفراعنة في وادي و العالم في وادي
دا المصري في الوادي الأخضر كان سابق زمانه
يتمشي في مزارع قمحه و جناين رمانه
رجالة و طول عمر ولادك يا بلدنا رجالة
و غلاوتك يا بلدنا و الله مش محتاجه قوالة
دا النيل الاسمراني فارد على الشط قناديله
و المصري سكته محروسة بقرآنه و إنجيله
زادك في القرية نشأك يا مصري في وسط عيلة
و الأرض الطيبة فرشتها و سماها ضُليلة
بتصادفك يا مصري شدايد لياليها طويلة
تهزمها بخطوتك الجاية في الأرض الأصيلة
رجالة و طول عمر ولادك يا بلدنا رجالة
و غلاوتك يا بلدنا و الله مش محتاجه قوالة
دا النيل الاسمراني فارد على الشط قناديله
و المصري سكته محروسة بقرآنه و إنجيله
و أصيلة يا خطاوي ولادنا و تسلم الخطاوي
يا جاية من كفر بهية و الطرحة محلاوي
و بهية ياما جدي حكالنا عنها أنا و إخواتي
ياما خبزت و قالت له علِّم صبياني و بناتي
رجالة و طول عمر ولادك يا بلدنا رجالة
و غلاوتك يا بلدنا و الله مش محتاجه قوالة
دا النيل الاسمراني فارد على الشط قناديله
و المصري سكته محروسة بقرآنه و إنجيله
بشراكِ يا أرض بلدنا المواكب حواليكي
سمعوكِ و قالولك جينا نبني و نزرع فيكِ
و الشعب اللي امبارح جاب النصر في أعظم صورة
بالعلم و بالحب أهو جالك بالخطوة المنصورة
رجالة و طول عمر ولادك يا بلدنا رجالة
و غلاوتك يا بلدنا و الله مش محتاجه قوالة
دا النيل الاسمراني فارد على الشط قناديله
و المصري سكته محروسة بقرآنه و إنجيله
منصورة دايمًا يا بلدنا و البركة في شبابك
دا طريقهم عرفوه و منور بسم الله على بابك
يا ما شاء الله يا جدعان يا ما شاء الله و يا خمسة و خميسة
دي العيلة بتستنّى شبابها يزوئو العروسة
رجالة و طول عمر ولادك يا بلدنا رجالة
و غلاوتك يا بلدنا و الله مش محتاجه قوالة
دا النيل الاسمراني فارد على الشط قناديله
و المصري سكته محروسة بقرآنه و إنجيله