حزتي البهاء و القدّ يا مسميّة
الخدّ وردي و الأهذاب زنجية
-------
الأهذاب قتاله ...
الخد وردي مفتح بين اخماله
يا سعد من حازك كسيب حلاله
كيف من غزى ع القوم جاب المَيّه
عليه يهون إذا يخسر ماله
خزنة ذهب رزين فيك شويّة
-------
حزتي البهاء ........
-------
طريقي قتيلة ...
محال نصبر ما بيدي حيلة
نرضى و نقنع لو تجيني ليلة
هكّه نهون عليك تقتل فيّا
يا رقبة البلاّر في تمثيله
اشكي لربّي حنّ و ارفق شوية
-------
حزتي البهاء ........
-------
فؤادي مشالك ...
معرفناش بكل ما بعنالك
جاهي و طالبني ادري في بالك
و انت الوصال يشد يا زكيّة
لو كان ما تخليش تراعي بالك
كان تذوق تعرف حب كيف ان هيا
-------
حزتي البهاء ........
-------
طار خسار ...
لو كان نعرف حبّي يا مسرارة
لو كنت تعرفني نهار الغارة
عمّال اصحى العدو طلعوا فيا
في شرع الله يا كحيل انظاره
لا تلومني لا تغضبشي عليا
-------
حزتي البهاء ........
-------
علاش تقتلني ...
هواكي ساكن في الكنين ذبلني
حبك شغلني و شاغلني و درولني
جميع الاعادي لكل شمتوا فيا
و هواك على صهد الجمر حملني
نشهد على صامورو نارو حيّة