مين فينا حدد لون عينيه
مين فينا حدد لون عينيه
ويوم ولادته و إسمه إيه
فيه حاجات كده كتير ف الحياه
موجوده وما نعرفش ليه
……………………..
زى قلبى لما دق عند كلمة خير وحق
زى جارى اما ابتسملى
شق سور الغربه شق
……………………..
زى جامع جنبه نيل
زى دير من ألف جيل
مش مهم ف أى دين
المهم تكون جميل
……………………..
زى سجن بألف باب
زى شب ف مصر داب
زى بنت بنوت في شبرا
بالصليب أو بالحجاب
……………………..
زى ورده فتحت
زى موجة سبحت
زى ترنيمة صلاة
على الغلابه صبحت
……………………..
زي طير مد الجناح
فوق الآلم فوق الجراح
شافه الولد ضحك اوي
لبنت في عنيها البراح
……………………..
زِيّ طَيْر مَدَّ الجُناح
فَوْقَ الآلَم فَوْقَ الجِراح
شافَهَ الوَلَد ضَحْك آوَى
لِبِنْت في عنيها البَراح
……………………..
وحاجات كده كتير ف الحياه
طريق ولازم نمشى فيه
سبحانه هو اللى ابتداه
ولوحده عارف آخره إيه