ياست الحسن مين قالك .… أنا شاطر حسن تاتى
ده انا لا حاقدر اوصلّك .... ولا هاخدك على حصانى
ولا بسيفى هاشق الكون .… واطير بيكى لمملكتي
ده انا عاشق مانيش مجنون .. وست الحسن مش إنتى
أنا أقدر أغنيلك …… وانغملك مواويلك
والف الكون بأشعارى … وأزرع فرحتى ف ليلك
=========
كان زمان غير الزمان ده .. فيه فوارس بجناحات
يعملوا م الشمس ورده .... يقتلوا غول السكات
والنهارده .. مين بسيفه ..... يمتلك غير التمنى
مين حايقدر يمحى خوفه .... مين بيقدر غير يغنى
وانا ..أقدر أغنيلك …… وانغملك مواويلك
والف الكون بأشعارى … وأزرع فرحتى ف ليلك