ياليل
يللى أنت قاضى وعدلك ماضى ف الاحكام .. حكم الزمان مر وأنا صابر على الاحكام
الشكوى لله والغلابة لها أحكام ..
أنا اللى طيش الشباب خد عقلى ونجانى .. خالفت شور الكبيرساعة ما نجانى
وطوعت مشى الشيطان ضللنى وسهان .. بعت اللى ما ينبعوش ولا يتعوضوش تانى
وأنا اللى أشتريتهم بعمرى بعونى مجانى ..روحت اشتكى للهوى همى وأشجانى
حكم عليا الهوى وأنا اللى بقيت أنا الجانى .. دخلت سجن الغرام والجانى سجانى
سجان بلا قلب خد من عمرى ما أدانى ..ورمانى ف السجن لم زارنى حد ولا جانى
أنا قلت ليه يا سجان الغرام ترمينى وتنسانى .. من بعد ماقلتلى أنك بتهوانى
عشمتنى بالحلق خرمت أنا ودانى .. لا الحلق جانى ولا كلام الناس كفانى
أنا بقول ربى لطف بيا ونجانى .. لكان عقلى الذكى انخطف للأن ولا جانى
راجل وله بيت وينظر للحرام تانى .. دا يستحق الادب مفيش كلام تانى ...