إتجمعوا العشاق فى سجن القلعة إتجمعوا العشاق فى باب الخلق
و الشمس غنوة من الزنازين طالعة و مصر غنوة مفرعة فى الحلق
إتجمعوا العشاق فى الزنزانة مهما يطول السجن مهما القهر مهما يزيد الفجر بالسجانة
مين اللى يقدر ساعة يحبس مصر ؟؟
و لا حد
إتجمعوا و العشق نار فى الدم
نار تحرق الجوع و الدموع و الهم
نار تشتعل لما القدم ينضم
لما الأيادى تفور تلم اللحم
و اللحم متنتور فى رملة سينا و الكدب بيحجز على آيادينا
قدم العدو غارسة فى لحم ترابى و الكدب عشش مخبرين على بابى
و المخبرين كلاب سعرانة بيجمعوا العشاق فى الزنزانة
مهما يطول السجن مهما القهر مهما يطول الفجر بالسجانة
مين اللى يقدر ساعة يحبس مصر ؟؟
ابداً
إتجمعوا العشاق فى سجن القلعة إتجمعوا العشاق فى باب الخلق
و الشمس غنوة من الزنازين طالعة و مصر غنوة مفرعة فى الحلق
إتجمعوا العشاق فى الزنزانة مهما يطول السجن مهما القهر مهما يزيد الفجر بالسجانة
مين اللى يقدر ساعة يحبس مصر ؟؟
مصر النهار يطلقنا فى الميادين
مصر البكى مصر الغنى و الطين
مصر الشموس الهالة من الزنازين
هالٌة و طارحة فى دمنا بساتين
مصر الجناين طارحة مين يقطفها مصر الجناين للى يرفع سيفها
مهما يطول السجن مهما القهر مهما يزيد الفجر بالسجانة
مين اللى يقدر ساعة يحبس مصر ؟؟
إتجمعوا العشاق فى سجن القلعة إتجمعوا فى باب الخلق
و الشمس غنوة من الزنازين طالعة و مصر غنوة مفرعة فى الحلق
إتجمعوا العشاق فى الزنزانة مهما يطول السجن مهما القهر مهما يزيد الفجر بالسجانة
مين اللى يقدر ساعة يحبس مصر ؟؟