تخونوه وعمره ما خانكم ولا اشتكى منكم
تبيعوه وعمره ما باعكم ولا انشغل عنكم
قلبي قلبي ليه تخونوه
قلبي اللي فاتني وعاش معاكم وقال حبايبي
عايش معاكم على هواكم والاسم قلبي
يخاصمني لما تخاصموني يصالحني لما تصالحوني قلبي . قلبي ليه تخونوه
قلبي اللي راح منه شبابه بين شوق وحنين
باع في هواكم احبابه بعتوا انتم مين
وضحى بالدنيا عشانكم
باع جنتي واشترى ناركم قلبي قلبي ليه تخونوه
قلبي اللي مهما يشوف منكم عايش بيكم
ويبعدوه الناس عنكم برضه شاركم
مالوش غير انتم احبابه
انتو هناه وانت عذابه قلبي قلبي ليه تخونوه