عايز جوباتك
يعنى إفترقنا خلاص
عايز ايامك
يعنى إنتهينا خلاص
طويت صحايف عمرى معاك وبإيدى لميتهم
وفى رعشة القلب اللى هواك وقع جواب منهم
إبتديت أقراه الكلام الحلو اللى جريت وراه
واللى ضاع وياه عمر قلبى اللى
انت عشت سنين معاه
سطرين والتالت..
ودموعى انسالت
أكتر ما هى دموع ألم..
كانت أسف ودموع ندم
ع الكلام اللى انت باعته من سنة..
اللى قلته انت وصدقته أنا
ولقتنى بقول..
دا مش معقول
كل دا حبر فى ورق
النهاردة بينحرق
القصور اللى كلامك كان بانيها ..
واللى كل جواب فرش لى ركن فيها
كل دا كان حب ولا كنت بتسلى إيديك
مش كتبته بقلب ولا حد
كان غاصب عليك؟
يا أجمل وهم صادفته
يا أحلى كدب صدقته
مايهمنيش إنك خدعت القلب بعد سنين هنا أنا عشتهم
ما تهمنيش النار، مادام النار فى جنة كام سنة انا شوفتهم
عايز جوباتك، خدهم خلصنى منهم
لا.. دول من حقى مش ح بعتهوملك
لا.. دول حتة منى روح إنت لوحدك
دول أجمل حاجة إنكتب لى فى عمرى
دول عمرى امبارح وكمالة عمرى
ح أقراهم تانى
يا ح قابلك فيهم
يا فضلت أحبك
يا كرهتك فيهم
عايز جوباتك
يعنى إفترقنا خلاص
عايز ايامك
يعنى
إنتهينا خلاص