سنين فاتت عليا وقلبي علي حاله
لابنساه ولا قادرة اني اصفاله
بحبه لكني شايلة في قلبي منه كتير
ونفسي اقوله اني بحبه محتاجة
وفي حاجز بيمنعني وميت حاجة
عشان دة جرحني بغرامه وجرحه كبير
وساعات كتير بحتاج للمسة من اديه
واشتاق لحضنه ونظرة واحدة من عنيه
وانا رغم دة برجع وبقول مش راجعة ليه
علشان بخاف ضعفي يبان ويحس بيه
ماقدرش اتحمل في يوم اصعب عليه
انا عندي اموت ولااني اعيش اللحظة دي
يجيبو في سيرته وقلبي يحن جوايا
وبحلم يبقي في للبعد دة نهاية
لامني نسيته ولامني بعيش وياه
لايمكن غيره يسكن جوة احضاني
بموت من الشوق وعزة نفسي منعاني
اروحله واقوله ان انا لسة بستناه .....