تعرف تتكلم بلدي
وتشم الورد البلدي
وتعيش الحلم العصري
يبقى انت أكيد المصري
تعرف بالعربي تنادي
بسم الله وبسم بلادي
نورك للعالم يسري
يبقى انت أكيد المصري
المصري حبيب متحمس
لو حتى بدقة يغمس
لو جاله حبيب يرتاحله
لو جاله حسود بيخمس
محبوس بيغني يا ليل
على دقة قلب زويل
وحليم ف الهوا دوبنا
على قد الشوق والميل
ويا ويل من ينسى يا ويل
ثومة ومنديلها الوردي
غنواية جيل ورا جيل
قادر على أي تحدي
تعرف تتكلم بلدي
وتشم الورد البلدي
وتعيش الحلم العصري
يبقى انت أكيد المصري
تعرف بالعربي تنادي
بسم الله وبسم بلادي
نورك للعالم يسري
يبقى انت أكيد المصري