با حبي كيفاش بعد العشرة خدعتني نوكل عليك ربي هو العالم بلي صار
شحال جريتي مورايا غير باش تحكميني و قريب هبلتي عقلك معايا طار
خليتيني والفتك بغيتاك كيما بغيتين فوتي معايا مانيفيك ايستوار ، ما فهمت علاش اليوم غدرتيني تلفتيني ها العمر في ليلة و نهار
جامي انا ننساك الا انتيا نسيتيني قلبي وافي للحبيب مانيشي صبار ، تالمو لي نبغيك من عشقك كي راني رشيت و طاحت صحتي من التفكار
نوكل ربي على اللي دار بينك و بيني يوم القيامة نحاسبه في ديك الدار ، انا سبابي العديان بالغدرة غموني حرموني منك يا السارقة الزندار
انا ما زلت حي بالغيرة دفنوني فركتولنا العشرة و صار اللي صار ، ما زال انا نبغيك الا انتيا كرهتيني ما زال انا طامع اندير معاك الدار
يا حبي كيفاش بعد العشرة خدعتيني نوكل عليك ربي هو العالم بلي صار شحال جريتي مورايا غير باش حتى حكمتين و قريب هبلتي عقلك معايا طار