مطلوب موظف لوظيفة سهلة خفيفة
مؤهلاتها معروفه فى المجتمعات
لازم يكون شكله كويس يعرف يلبس
فنان و دكتور و مهندس و بتاع علاقات
فى كل قاعدة يروح فيها بيغطيها
حكايات وأسرار اهليها تسوى الوفات
يشوف لنا كام حدوته فى الملتوتة
فى قلوب صحابها مكبوته ليها شياط
ويتحشر فى القاعدين بعد الوقت
ينتف فى فرو الموجودين و اجيب فاشاعات
فلانة هانم وفلان بيه حكايتهم ايه
بعد الجواز اتطلقوا ليه قولوا يا حضرات
عازين فضايح نسائية او رجالية
وعقود وصفقات مخفية فيها العملات
حكيات زواج وطلاق وغرام ورجوع و خصام ومعيترفش بعيب وحرام و لا فى الصداقات
لو شاف فلان بيبرش بعنيه يستنى عليه نشوف نهاية نظرته ايه فالستات
فلانه ردت على التليفون دى صوتها حنون
ادى كمان موضوع مضمون عاوز له بهارات
وظيفة مطلوب لها نمنم يبقى مدير عام ويكون له خبرة عشر أعوام فى الإقتراحات فى الأصل شغلانه يا سبلة تخدع انسان مؤهلاته ضمير خربان ولسان لتات