نبيه نبيه ومن مدات انراجي فيه.
نبيه نبيه اللي زوله مالقيت شبيه.
نبيه نبيه اللي مالك روحي في ايديه.
نبيه نبيه بو دور حرير امكسيه.
،،،،،،،،،،،،،،،،،،،،،،،،
نبيه نبيه يارب ايجيني وانجيه.
نبيه نبيه لو يطلب روحي نعطيه.
نبيه نبيه الصوب ايخيل امفات عليه.
نبيه نبيه بو دور حرير امكسيه.
،،،،،،،،،،،،،،،،،،،،،،،،
نبيه نبيه بو مشيه سمحه معدوله.
نبيه نبيه اغزيل والناس اداعوله.
نبيه نبيه احجيب عالعين انديروله.
نبيه نبيه بو دور حرير امكسيه.
،،،،،،،،،،،،،،،،،،،،،،،،
نبيه نبيه اللي ايجينا وين اندزوله.
نبيه نبيه مبرك يوم نهار انطوله.
نبيه نبيه ياخذ غير غلا بوصوله.
نبيه نبيه بو دور حرير امكسيه.