كلمات اغنية عويناتكأقول ليها عويناتك
ترع لولي وبحار ياقوت
مناحات ريد حزاينية
بغازل فيها مأساتي
وفي شرف العبور ليها
بموت وأكسر شراعاتي
تقول لي غناك حزين
تقول لي غنايا حزين ؟!
وانا الواهب قصايدي
الباكيه للفرحه
وانا البهديها شال ريدي
وصباي طرحه..!
أقول ليها عيونك
زي سواد قدري
مكحله عمري من بدري
ولو بقدر أسافر
في بريق لحظك وما أرجع؟
تقول لي خايفاك بكرة تتوجع
وأتوجع أنا.!
أقول ليها
عويناتك ديار وعدي
مسوره بجدار صمتك
عذابي معاك
بريدك قبل ما أعرفك
ولو بقدر أشيل
من الزمن وقتي
بموت في لحظة
وأوهب ليك عقاب عمري
