قولوا للغالي قولوله وشهوله يبطي وشهوله .. ما جا ولا جا مرسوله و الحوب الله يكفيه شره
انا عليل الضماير انشد و اسوق البشاير.. همِّي زاد و فكري حاير فارقني و الفرقة مرة
امشي و انشد عن مضنوني و اسهر و انتم ما تدروني .. دامي ما شفتو بعيوني ما ترقد عيني منسرة
اترك سكة و اقضب سكة لقيت ابواب منصكة .. جيت الطايف و اهل مكة قالو ما شفناله جُرة
جيت اهل ابها و اهل الوادي و انشدهم حضر و بوادي .. قالو عود يالنشادي ما جا الدواسر و المرة
و انشد شمر و انشد علوه و اهل قطر و اهل سلوى .. قلت انا مبلي ٍ بلوه في زين المبسم و الغُره
قالولي وشلون اوصافه نرسل له ناسٍ عرّافة .. تجوب بنجد وطرّافه(واطرافه) تنشد و تلقى مقره
قلت اوصافه يا خلق الله كامل و الكامل وجه الله .. في عيني ما مثله والله قلته مرة باثر مرة
اوصاف الغالي غريبة عين و خد و جيد و هيبة.. عذبني و الله حسيبه ياما شكيت المضرة